Argazkigintzaren sorkuntzarako I. Begira Photo Saria


Argazkigintza garaikideko Begira Photo festibala antolatzen duen Kinua elkarteak Argazkigintzaren sorkuntzarako I. Begira Photo Sarian parte hartzeko deialdia egiten du. Helburua da argazkigintzako talentu berrien lanak bistaratzea eta sustatzea, 2017ko Begira Photoren erakusketetan haien lanak ikusaraziz.

Saria

 

Sari bakarra emango da, eta honako ezaugarriak izango ditu:

 

1) 800 € (zortziehun euro) eskudirutan. Zenbateko horri dagozkion estatuko atxikipen fiskalak aplikatuko zaizkio.

 

2) Bakarkako erakusketa Durangoko Arte eta Historia Museoan. Erakusketa 2017ko urriaren 26tik azaroaren 18ra egingo da, Begira Photo Festibaleko egitarau ofizialaren barruan.

 

3) Erakusketaren produkzioa 2017ko Begira Photok hartuko du bere gain, gehienez, 1.500 euroko aurrekontuarekin. Erakusketaren ezaugarri teknikoak eta aretorako proposamena elkarrekin egingo dute sarituak eta Begira Photoren zuzendaritzak.

Parte Hartzeko Baldintzak

1. 18 urtetik gorako edozeinek parte hartu ahalko du, eta edozein nazionalitatekoak. Izen-ematea librea eta doakoa da.

 

2. Argazki sorta bat aurkeztu beharko da Mendia gaitzat hartuta; teknika erabat librea da. Ez da beharrezkoa proiektua argitaratu gabea izatea. Bakarkako lanak zein kolektiboak onartuko dira.

 

3. Aurkezteko azken eguna 2017ko ekainaren 30a izango da, 23:59k arte (Estatuko ordua). Ordu horretatik aurrera, ez da lanik onartuko. Parte hartzaileei jaso izanaren agiria bidaliko zaie, posta elektronikoz, dokumentazioa ondo jaso dela egiaztatzeko.

 

4. Parte hartzaile bakoitzak PDF formatudun dokumentu bakarra (gehienez 10MB) bidali beharko du info@begiraphoto.com helbidera gaztelaniaz idatzitako honako datuekin:
• Izena eta harremanetarako datuak.
• Biografia (gehienez, 10 lerro).
• Titulua eta proiektuaren laburpena (gehienez, 10 lerro).
• Gehienez, hogeita bost argazki.

 

5. Proposamenak Kinuak izendutako epaimahaikideek aztertuko dituzte. Erabakia apelaezina izango da; saria hutsik gelditzen bada ere bai.

 

6. Proposamenak ebaluatzeko, epaimahaiak ondoko alderdiak hartuko ditu aintzakotzat:
• Proiektuaren kalitatea eta koherentzia.
• Eskatzailearen ibilbidea (sariak, bekak edo diru-laguntzak, parte hartzea bakarkako erakusketetan zein kolektiboetan, prestakuntza akademikoa, prestakuntza osagarria).
• Proiektuaren lotura gaiarekin: Mendia.

 

7. Epaimahaiaren erabakia 2017ko uztailaren 31n argitaratuko da Begira Photoren web gunean www.begiraphoto.com eta festibalaren sare sozialetan. Irabazlearekin bakarrik jarriko gara harremanetan.

 

8. Sariaren irabazleak egiaztatu beharko du bera dela Kinuari entregatutako argazkien eskubideen titularra. Halaber, erantzukizuna hartuko du lanari buruzko autoretza, originaltasuna eta eskubideen gainean egin dakizkiokeen eskakizunen aurrean.

 

9. Saritutako pertsonak, nahi badu, lehendik sortuta dituen materialak ekar ditzake erakusketarako. Horrela bada, garraioaren kostua antolatzaileek hartuko dute bere gain, gehienez, 1.500 euro, erakusketaren produkzioari zuzendutako zenbatekoa, hain zuzen ere. Erakusketa amaitutakoan, kopiak saria irabazi duenarenak izango dira (garraioaren gastua bere gain hartu beharko du). Ekoiztutako kopietako bat Kinuari eman beharko dio.
10. Saritutako argazkiak autorearenak dira. Deialdi honetan parte hartzeak argitaratze eta erreprodukzio eskubideak Kinuari ematea dakar, beti ere, saria sustatzeko eta Kinuak garatzen dituen ekintzetarako bada, eta euskarri elektronikoan, paperean edo bestelako materialetan egin eta argitaratzen direnak izan daitezke.

 

11. Argazkigintzaren sorkuntzarako I. Begira Photo Sarian parte hartzeak arauok onartzea dakar, eta arauotan aurreikusten ez den egoeraren bat emango balitz, epaimahaiak ebatziko luke. Begira Photoren antolatzaileek erabakia hartzeko eskubidea dute oinarriotan aurreikusita ez dagoen edozeren aurrean. Sarituarekin arazo konponezinak sortuz gero, Kinuak erakusketa kentzeko eskubidea izango du.

 

12. Kontsultarik egin edo zerbait argitu nahi baduzue, idatzi info@begiraphoto.com helbidera.