Helena Goñi (Bilbo, Bizkaia, 1990) Leioako Arte Ederretako fakultatean (EHU) ikasi zuen. Erasmus bekaren bitartez, hirugarren ikasturtea Londreseko Central Saint Martins fakultatean egin zuen. Unibertsitateko ikasketekin batera, argazki eta edizio ikastaroak ere egin ditu, esaterako, Madrileko Blank Paper eskolan Cristina Garcia-Roderorekin 2012an egindakoa. 2013an, Bilboko CFCn proiektu pertsonal bat egin zuen Ricky Davilarekin batera. Gaur egun Londresen bizi da eta, han, argazkigintza masterra egiten ari da Central Saint Martins fakultatean. Bere lana www.helenagoni.com web gunean ikus daiteke.