Furtivos, Vicente Paredesen lehen argazki-liburua da, ezkutukoen azpi-mundu barruan sartzen gaitu, inork galdegiten eta nahi ez dituen lur urbanoetako biztanleen eremura, hain zuzen ere. Liburuan, Vicentek gure programa genetikoan doazen portaerei buruz hitz egiten digu. Lurrik egon barik ere, txakurra beti saiatuko da hezurra lurpean sartzen; bere oin azpian metroko tunelak, kristala eta zementua egon arren, gizakiak zulatu egingo ditu hazia ereiteko.

Bilbo industria hiri bilakatu zenean, milaka nekazari etorri ziren fabriketara lan bila. Nekazariak ziren, bai, hemengoen antzekoak; alde bakarra da haiek ezin izan zutela beraien lurrak hona ekarri eta, egun batetik bestera, langile urbano bihurtu behar izan zuten. Baina duela belaunaldi asko, haien identitatean suaz idatzita zegoen agindua: lurra aitzurtu, ureztatu eta belar txarrak apartatuko dituzu.

Behin-behineko okupek, gune griseko biztanleak, indigenen erara erreserban sartuta, laster ikasi zuten bizirauteko gakoa zein zen: egundo ere detektatuak ez izatea.

Furtivos liburuan Luis Lopezek idatzitako testuaren laburpena.

Vicente Paredes Orihuelan (Alicante) jaio zen 1972an. 1995ean kazetaritzan lizentziatu zen Euskal Herriko Unibertsitatean eta, hurrengo urtean, argazkilaritza ikasketan egin zituen Londreseko Westminster Collegen. Gaur egun, freelance ari da argazkilari lanak egiten zenbait publizitate enpresarentzat. Informazio zabala www.vicenteparedes.es web gunean.

Furtivos Fiesta Ediciones, RM eta Univerdidad de Cádiz argitaletxeek argitaratu dute.

Ca l'Isidret Edicions Aleix Plademunt, Juan Diego Valera eta Roger Guaus-ek sorturiko egitasmoa da euren lanak argitaratzeko. Argitaletxe gazte honek hiru liburu batera aurkeztuko ditu. Hiruak oso egitasmo desberdinetatik sortuak.

Roger Guausen L’inassolible. Egileak familiako esperientzia erabiltzen du bere aurreko belaunaldiaren balioak agerian uzteko. Halaber, lanaren bidez, bere gurasoak eta haien belaunaldia omendu eta eskerrak ematen die, izan ere, esfortzu handia egin dute beren seme-alabak zoriontsu izan gaitezen. Egilearen aita Manel Guausen "Reflexiones de un padre de cincuenta años"liburuan oinarrituta dago.

Movimientos de suelo. Zertarako balio du hiru argazkilarik Argentinarako bidaia egiteak argazkigintzako asmo zehatz barik? Movimientos de suelo egitasmoaren xedeak argazkiak egiteko bidaiatze hutsean du oinarria, ibilbidean izandako esperientziak eta egoerak bilduz. Egileek uko egin diote banakako autoretzari eta irudiak nahastea erabaki dute, argazki bakoitzaren egilea, inola ere, nor den esan barik.

Hirugarren liburua, hiru egileen izenpean, ez du titulurik. Argazkiak egite hutsari eta argazkiak elkarrekin egiteari buruz hitz egiten du, kasu honetan, Ca l’Isidret inguruan egindakoei buruz, bertan bizi baita argazkilarietako bat, Alt Penedès eskualdean. Argitaletxeari buruzko informazioa www.calisidretedicions.cat web gunean.

Azken urteotan argazki-liburuei ezarri dioten kanonaren eta izandako aldaketa teknologikoren ondorioz, argazkilari askok gogotsu ekin diote liburuak egin eta argitaratzeari, argazkigintzako euren proiektuak hedatzeko baliabide egokia delako uste sendoaz.

Liburuak egiten… saioan Book in Progress, http://www.bookip.org, plataforma zabalari buruz hitz egingo da. Horren helburua da argazki liburuak sortu, ekoiztu eta hedatzea Espainian. Phre argazkigintza dokumentaletan espezializaturiko argitaletxeari buruz ere hitz egingo da.

Juan Valbuena (Madril, 1973) Fisika Teorikoan lizentziatu zen Madrileko Unibertsitate Autonomoan. IGA Madrileko Unibertsitate Konplutentsean egin zuen. Argazkigintzako Masterra egin du Madrileko EFTIn.

Nophoto agentzia sortu zuen, www.juanvalbuena.nophoto.org, Proyecta ekimenaren koordinatzailea da, baita irakasle EFTI argazkigintzaren nazioarteko Masterrean ere; Phree, www.phree.es argitaletxeko zuzendaria da.